《真鳥仔》
真鳥仔，啄西瓜，對面依妹真作佳,头梳蜀把金钱髻，手拈蜀枝牡丹花。
真鳥仔，啄珠兰，共妹做亲也艱難。討柴落田無心绪，夜睏不着熬半暝。
真鳥仔，飛過溪，對面依妹是奴妻。京鼓花轿定哦了，是奴無钱放着挨。
真鳥仔，啄墙空，讨隻媳妇不開通。十二月棉袄掏去洗，六月火籠抱着烘。
真鳥仔，不律翼，隔壁依婆做生日。有请伊，无请奴，害奴梳头缚髻去半日。
真鳥仔，啄菜花，没见曲蹄做老爹。紅帽谵倒戴，凉伞谵倒遮。少爺去担粪，小姐去踏車。厅中侬客喊恭喜，灶前太太脱跣骹。
真鳥仔，啄菠菠，三岁孩儿会唱歌。伓是罢奶教奴唱，是奴腹佬通通歌。前門開山是水井，後門開山是柴山。田里有稩割，園里果子生。孝顺台家奶，世代有名聲。
真鳥仔，啄柴排，姐做花，妹做鞋。做呢底侬颂做呢隔壁依婆颂。依婆颂了心喜歡，姐妹助人好名聲。
🦜
评论：
