「但願人長久」，一套儲咗好耐嘅戲，終於睇完。呢一幕實在太靚（關註點奇特？），忍唔住cap低。
份人冇乜出眾愛好，不過幾鐘意睇戲，尤其是喺戲院觀影。其一，大熒幕上直觀又強烈的情感輸出，係戲院外任何觀影設備都無法媲美嘅；其二，停兩粒鐘全身投入觀影，對於我嚟講係一件放鬆又浪漫嘅事，當然了，而家鐘意睇社會化題材嘅電影，情緒上都冇辦法完全放鬆架喇，礙於共情能力太強，觀影時會隨著情節經歷喜怒哀樂🥲⋯「資深影迷」就冇我份了，都算得上一個有自己諗法嘅普通觀眾。
講翻套戲，係關於香港新移民題材嘅，某種程度上我都算係居住地嘅新移民，雖然出生、成長係居住地，但對上兩代都唔係本地人，完全體會到主角成長過程中受到鄙夷、見識過繁華後為生存而拼搏等複雜心情。可能大家都係咁，努力咁由小地方走出去，出咗去，邊個又會想翻去呀。過年同老竇翻咗鄉下，仲同我講，呢度係根，得閒就多啲返嚟，落葉歸根。事實上嗰條只不過係佢嘅根，對於我嚟講，冇乜話根唔根嘅，係邊度生存，邊度就係土。
吳慷仁，駕馭任意角色的神？之前自己去睇「富都青年」，係電影院喊到癲咁滯🥺🥺佢真係勁有料！！每睇到佢係一套戲/劇集裡面嘅表現，都feel到佢為角色做嘅努力有幾多，要嘗試去過咁多種人生，會唔會都覺得好辛苦？
btw，過咗個年，睇完套戲，發現而家應該係同家姐差唔多年紀，驚覺，乜已經到咗需要用金錢/物質去展示自己過得好唔好嘅階段了嗎⋯亦或是相處時光嘅缺失，導致呢個缺口只可以由物質去填補⋯
時日如飛，瞓個靚覺。
评论：
有些渴望上瘾 就卖掉灵魂: 吴慷仁！
