琴晚同一个好耐冇见嘅长辈食饭（系我外公的兄弟的老婆唔记得辈分叫咩？叔婆？）讲起我外公带过我翻佢乡下拜山，而我一直好想跟我外公姓。叔婆都叫我多啲翻乡下玩。新时代已经唔计较甘多姓氏唔姓氏，最紧要有无心。 食完饭临分别我问表姐点解拜新山就唔可以拜旧山 不过最后得唔到答案 最后我都系决定新旧都去。拜新山（爷爷）系因为我身份同我收左钱 拜旧山（外公仲有好多在世时候锡我嘅亲戚）系因为我唔去我唔安落 刚刚训觉梦到自己系医院搭电梯，搭到顶楼见到我外公（虽然佢系屋企出现意外不过最后都系医院走的）佢抱住我赞我乖 然后又带我去睇一个望远镜 一个可以望得好远的望远镜 可以望到我初中中午放学成日醒的一条路 佢话会系度一直望住我 呢个时候我已经开始醒了 因为外公走嘅时候我刚开始做野 然后好痛快喊左一场，怪自己懒成日话等8号线延长线开通再多啲翻去，怪自己住的远从佢出现意外之后冇机会互相讲到最后一句话，自己都冇变到好似外公一样甘好的人 可唔可以多啲入梦探我 我好攰。 最后到完全清醒，无论点希望都好 世界始终冇人证实到有灵魂存在 知道自己发呢个梦系因为呢件事始终都系心中遗憾，而且自己最近压力大 工作又好 屋企又好 尤其最近又有亲戚唔系度了 自己要做一个决定 无论点拣自己心都唔舒服的决定。呢个岁数可以喊得出都系因为压力爆标 借助今晚个梦发泄出来。理性科学的世界就系闷 如果世界有灵魂 有鬼嘅存在几好 只要有执念就可以见得翻失去嘅人#梦

评论：