《新造的人》cover.郑宜农
“生命这样的旅程
要用多少泪水来完整”
我其实比较讨厌人哋唱圣歌赞歌之类。读书时候老母信过基督，有日放学见到佢带住个所谓牧师同几个教友入屋企大厅围圈唱歌，个牧师就喺四周围白墙壁度喷水画十字架，又撕晒我d周杰伦海报。我出厅闹柒佢哋：“乜周杰伦同耶稣基督有冲突咩？你班憨鸠友耶稣讲英文㗎，妳哋唱中文歌佢听閪得明？”
其实谂翻起自己细个真係一个“周处”。混世魔王咁款，5年级就米7高，觉得自己最打得，校园霸凌嘅加害者，每日放学用擦炮炸咗一个保安叔叔接近1年，往室内游泳馆顶棚掟砖头……只不过老师见我成绩好，一直维护住我冇叫过我家长。大个之后我一直都会为细个伤害同学种种事而感到内疚。细个有几横蛮暴戾，大个就有几婆妈懦弱。
《周处除三害》呢部戏有好多有趣嘅call back，开头参加洪仁就嘅丧礼係刘德华喺《江湖》入面个名，同一个导演。任因九係《江湖告急》梁家辉做大佬个名。香港仔同林禄和选角都好掂。如果我有cancer都会拣去为人生造就一个轰烈嘅结尾。谂翻起阮经天上车之前大声喺喥嗌：“我叫陈慧琳！”“不，你叫明道。”
评论：
